دي رؤيه تحليله مهلبيه من احد ابناء الوسط اللى مع الثوره وشايف انها انجاز السنين السؤال هنا مصر هتروح فين وايه كل اللي بيحصل ده
انا اقولك
لما قامت الثوره والجيش قفش الحكم كان في حاجات هو معترض عليها بس طبعا ميقدرش يتكلم ولا يقول بم عشان الاعتراض ده مثلا كان على جمال مبارك احمد عز كدا ودول كانوا جامدين موت قامت الثوره والبرنس خلع والجيش بئا لوحده منفرد بالسلطه بس لسا ميقدرش يعمل اللى هو عايزه لان اللى مشي مبارك يقدر يمشيه طيب نجرب نشوف الناس بتوع الثوره دي عايزين ايه لاقي كلام غريب حريات وحقوق انسان وكلام كدا ميعرفوش .في حاجه لازم اوضحها هنا من رؤيتي ان الجيش عنده عدل بس بالمقاييس بتاعته مش العدل المطلق يعني هو عنده عدل اشتغل بمرتب لا هو خرافي ولا ملالييم وعيش وخلي غيرك يعيش طالما لاقي تاكل وتشرب مالكش دعوه بالسياسه انت مالك هنا نقطه تحول للجيش قويه من انه مع الثوره اللى هو يقودها الى الثوره اللى لازم يوؤدها هتلاقي بئا بتوع امن الدوله والناس دي قالولي ياريس الناس اللى هتسلمهم البلد دول عالم بنت كلب زيينا بالظبط دول بياخدوا فلوس من منظمات حقوق الانسان بره ودعم على اساس انهم يظبطوا الشعب وبيضربوا الفلوس فى جيوبهم وقليل اوي يطلع للشعب طيب الأخوان شرحه ياريس لهم مشاريع وراسماليين وبيستغلوا جهل الناس طيب ايه ؟
اركب انت يا برنس واللى شايفه صح اعمله بدا الجيش لغي الزياده فى المرتبات والحد الأدني للاجور عشان الناس متقولش ده من الثوره ويكون فيه مجال بعد كدا ان الناس تكره الثوره لكن لو هيا السبب فى المرتب الناس هتفتكر الثوره على الاقل كل اول شهر والشعب المصري نسايي يعني لو الثوره لخبطت فى يوم عشره وظبطت يوم عشرين اول الشهر الناس معاها وتعالى يا سيدي اعمل استفتاء واستخدم اداه موجوده عن كل الناس اللى هيا الدين كدا تمام الشعب بئا فريقيين فريق عارف لعبتك وفريق ينفع يتساق وراء مبدا او دين او جماعه المهم ينفع يتساق النسبه قليله للي فاهمك خلاص اشطه فرق تسد واكيد هيكون فيه نسبه فائد كالعاده دوس على العيال بتوع الثوره ودول بردوا طلعوا ولا نزلوا شويه شباب غير منظم
بهدل سته ابريل وكفايه واي حد منظم
والباقي دوس عليه
خلصنا من شباب الثوره خلص عليهم واقتل عشان ترهب اللى فى البيت وبيفكر ينزل طالما انها سلميه خليه يعرف انه ممكن يتقتل ولا حد هيجيب حقه عادي جدا خلي الشعب يكره الأخوان ويحس انهم باعوا عشان لما تحط عليهم وتسجنهم محدش يكلمك
السلفيين تابع للاخوان وهيكرهوا الناس فى الدين وده هيخلي مفيش اداه قويه اي جماعه تحشد بيها الناس
وتفضل اقوي اداه فى ايد الجيش اللى هيا أكل العيش والعيشه فى امان ورطهم وخليهم يمسكوا المجلس وزور لهم الانتخابات مع ان هما كدا كدا ناجحين بس تجاوز عن تجاوزاتهم مؤقتا لما البلد يكون فيها انت والاخوان بس شوف هما هيرضوا يكونوا واجهه وانت من تحت اللى فى ايديك القرارات السياديه فى البلد
وافقوا خير وبركه
موافقوش خلاص حط عليهم
ولما يبئا البلد مفيش فيها ولا ثوره ولا اخوان هيكون فيها الجيش
مبروك عليك الدوله
هذا وبالله التوفيق